يـوم أتذكـر بالعصـور القديمـات وأسمـع رواة يـذكـرون القبـايـل
|
تذكرعلـوم شامـخـات جـزيـلات كـود السولـف باقـيـات سمـايـل
|
يسوقني شـوق لهـا كـل الاوقـات وأطرب لها لوكان ماضـي وزايـل
|
لوكان فيهـا للعـرب شـن غـارات ومشاحنـات بيـن صايـل وجايـل
|
ياصوت الغزاي وادلى بـلا صـوات مـد العقيـد وحضـبـوه الاوايــل
|
تتليـه دكـلات السبايـا الرزينـات واقفـا يـدور معبسـات الشمـايـل
|
غاروا على وضـح تـلالا لهيقـات حالـوا عليهـن كاسبيـن النفـايـل
|
وصاح المصيح فوق ناب الطويـلات البـل خذوهـا مقحمـيـن الدبـايـل
|
لحقوا هل البـل طالبيـن المثـارات المعتـزيـن بناقـضـات الجـدايـل
|
لحقوا على قب من الخيـل عجـلات لحقـت بكـل مجـرب لـه فعايـل
|
الموت عنـد قطيهـن لـه علامـات كم فارس من فـوق سرجـه تمايـل
|
حمي الوطيس وصار للسيف صرخات تلاحمـت بـه صافنـات الاصايـل
|
الكرمـات الضابحـات الاصيـلات مسـومـات هاجـمـات ثـقـايـل
|
القادحـات المسرعـات الثقـيـلات الهاذبـات بالغـضـب والغـلايـل
|
العاديـات الصافـنـات الرهيـبـات الواثبـات المشـهـرات السـلايـل
|
المرهمـات القاحمـات السريـعـات الراجفـات اللاحـقـات العجـايـل
|
الجادفـات الصاهـلات الخطيـرات الجامحـات الشاحـنـات الهـوايـل
|
عليهـن اللـي يدحمـون المهـمـات متوشحينـاً بالسـيـوف الصقـايـل
|
تلاحمـوا بمصـقـلات شطـيـرات قطف النفوس وصاخـن الـدم سايـل
|
المدرعيـن الشاهريـن الصقـيـلات القاتلـيـن ومرملـيـن الـحـلايـل
|
ياما أرملوا من جادل زوجهـا مـات بسيوفهـم طشـوه حـدر النثـايـل
|
يالمستمع عصر مضا وانقضـا فـات جيلـه رحـل والجيـل هـذا نزايـل
|
عنهم سئلت وقيل تحت الثرى أمـوات وحنـا بثرهـم سائقيـن الرحـايـل
|
دنيـاك يالمخلـوق تجريبهـا أفـات دنيـاك هـذي بيـن عـدل ومايـل
|
لو أقبلـت دنيـاك تجزيـك باقفـات أقفت بفارس عبـس وكليـب وائـل
|
وين الاصيل اللي حكـم بالمسـاوات كـلا شهـد لـه بالفعـول الجزايـل
|
عبدالعزيـز مكـون المستحـيـلات. يا ما قهر بالسيف مـن كـان عايـل
|
ليث يـدش فجـوج غـاب مخيفـات كم حاكـم مـن سطوتـه راح شايـل
|
عوجا اليـا ردوا لنصـب الرهيفـات صارت على ذولاك عـوج سحايـل
|
السيـف يشهـد والقلـم والسجـلات هذا الصحيح اللـي ذكرتـه صمايـل
|
العز لاهـل العـز سـاس وعـادات ينسخ بسطـرات الـورق بالسجايـل
|
الله جعـل للنـاس طـرق فضيـلات طـرق تنانـي عاشقيـن الفضائـل
|
درب المعـزة للنفـوس العـزيـزات ماتقبلـه نفـس تــروم الهـزايـل
|