ماجد العنزي المشرف صقور
عدد الرسائل : 223 العمر : 36 تاريخ التسجيل : 25/07/2008
بطاقة الشخصية الالعاب:
| موضوع: من لايعزك فارقة لو هو ابناخيك الثلاثاء أكتوبر 28, 2008 3:35 pm | |
| مـن لايعـزك فارقـه لـو ابناخيـك والنفـس لاتظـهـر خـوافـي عللها
وخلـه علـى فالـه لاتظهرخوافيـك واصبر ولـو نفسـك كثيـرا زعلهـا
واصفح عنه لو شفـت انـه معاديـك ومـادام تقـدر تركـتـه فاحتملـهـا
وترى الكلام الشين يزعـل أبناخيـك وترى العلـوم السافلـه تثبـر اهلهـا
ولاتقـارب الانـذال بالـرأي تعميـك وتجنـب الانـذال وأتـرك جدلـهـا
ولاتتبـع الـي للمهـالـك يـوديـك وترى عفـون الخلـق واجـد حيلهـا
ولاتخاوي الاقشـر يخبـث طواريـك ولاتخوض مع نـاس كثيـرا جهلهـا
وخلك مـع الـي ان نخيتـه يهقويـك وان شاف بعض الميل عنـك يعدلهـا
قـرم ولـد قـرم الياقـال يشفـيـك وان شاف عنك بعض الجور يحملهـا
ويفهـم معابيـرك ويـردع معـاديـك ابـن الاسـود الـي عزيـزا نسلهـا
وعليك بالتقوى عسـى الـرب يهديـك برضا الولي والنفـس يحسـن عملهـا
واطلب رضا المولى عسى الرب ينجيك فـي ساعـة كـل يخوفـه هولـهـا
وألطـف بحالـك لاتابـع مشاهـيـك واحذر تـرى الدنيـا سريـع زولهـا
ولاتغـرك الدنيـا تراهـا تطغـيـك والنفس ماتـدري متـى يجـي اجلهـا
وخلك عفيف وعز مـن يلتجـي فيـك ونـاس تهينـك خلـهـا واعتزلـهـا
هـذي تعابيـري وماشفـت يكفـيـك والخام يعـرف جدهـا مـن سملهـا
| |
|