قصيدة مدح في من يسشتحق المدح

[

بسم الله الرحمن الرحيم

السلام عليكم ورحمة الله وبركاته ........اقدم لكم قصيدة في مدح من يستحق المدح

الذي اعطى اغلب وقته اذا لم يكن كله من اجل الرقي في هذا الوطن الحبيب الا وهو
الملك عبد الله حفظه الله

بديت باسم الـلـه أقـــدم قصيـــــــده ***** أذكر بها ما شفت وأدركت بالعين

شفت أبو متعب عقب غيبة عضيده ***** مشى على المنهج وحنا هل الدين

وكل المناهج مرجــــعه للعقيـــــدة ***** دستورنا القرآن مـا فيه قوليـــــن

وآعــد شـعـوبه بالحيـاة السعيـــــدة ***** وبدا بعزم وجهد يوفي لنـا الديـن

وعز الـلـه أنه ما كـذب بالوعيـــده ***** إلا تعـدى وأصبح الكـيل كيـليــن

وبـأقــل مـن عــام بخــطه جـديــده ***** أنجز بها أعماله مثل طرفة العين

وحـقـق لشـعبـه كـل شـيء يـريــده ***** ومـن حبـهـم سمـوه يا قـرة العين

ولا حـب ربـي عبـد خـلى عبـيــده ***** بـقـدرة الـلـه كـلـهم لــه محـبـيـن

ويـسـر أمـور بالظـروف الشديــدة ***** مـن حـيث لا يـدري يمكنه تمكين

وجـتنا على قـدومه عـطايا عديــده ***** فـضل من المـولى ولا فـيه تقنين

ومـا حدثت نفسـه يـزود رصـيــده ***** رصيده المطلوب (شعبٍ محبين)

ويـوم أنها جـت له على ما يريـده ***** أنعم على الأقصين قبل القريبين

وبدا مع المسكـين وأصبـح سنيـده ***** حقق له المطلوب والطاق طاقين

ويـوم اطـمـأن وكـمل اللي يـفيــده ***** خلاه ينعم مثل الأقصى والدنـيـن

ومـشى عـلى بـاق الديـار البـعيده ***** يعلن مطالبهم على الرأس والعين

بـنفس عن الدنيـا عـزوف زهيـده ***** هـوماتها مـا هـي بجـمع الملايـين

وأعـطى بـغير حساب والله يزيده ***** والفضل عند الله يضاعفه ضعفين

وعسى الذي سخـرك تنـفع عبيـده ***** يديم فضـلك لضـعوف المسـاكـين

ويطيـل في عمـرك سنيـن مديــده ***** تنعم بها بدنياك وتنصر بها الدين

وينعم بها شعبك معك وانت سيـده ***** وحنا جنودك ،عزوتك لك محبين

وسر يا بو متعب جعلها لك حميده ***** بشعب تحـبه وأنت لـه قـرة العين

بقلم الشاعر::
[size=21]محمد الرشيد الجبر الرشيد

[/size]

الله يحفظك يا بو متعب وشكراً يا الصقر على القصيده وصح لسان الشاعر

الله يعطيك العافية أخوي
والمح في من يستحقه يعتبر شهده
ونحو بنتظر جديدك ومشكور كل الشكر cheers

ورفع لك يدي

الله يعافيك وعطنا كمان عن ابو متعب ...............